本星期比較忙，至今才有時間打理這裡。
在歌德先生的部落裡提到過客早兩日提過的問題，在此轉載收藏。
轉載 自-Goethe the Cynic-
在流動的生活之上
過客 係佢部落入面講到，
「近日看書，有個問題盤旋在腦海，用文字溝通，觀者所看到的，很可能與[寫手]所要說的內容不同，可能是表達技巧問題，又可能觀者無此經歷，就算他們用心思索，還是不了解重點，容易產生誤會。」
衣個問題，應該係語言問題喇。
例如，我係 第一代on goethe都講過，當我問你「吃了飯沒有」，你會點答﹖你會唔會答我，今晚冇食飯，不過去左食天下第一美食麥當勞﹖我諗，應該唔會。
好喇，上面個例子講既係咩﹖
想講既係，好多時，一個字既意思，係不碓定。亦即係，冇一個準確既意思or係唔同環境下有唔同意思 (不過唔代表冇一個大約既意思呀下)。
而當我地想了解一個字，又或一句說話既意思時，我地好多時只能靠 經驗 (包括個人經歷 與及 之前使用該字/ 句既經歷)；而更多時靠既，係一句說話背後既場景又或者係語景 (可以話係上文下理)。
而當我地單獨咁睇一句句子/字既時候，往往就會忽略重點or whaterver。
不過，我好相信，好多時，每句句子背後都仲有唔同既假設；我地要完全理解一句句子既意思，就更要了解佢背後既所有假設。衣樣，係冇可能。
所以，我地好難可以「完全」明白其他人講咩 (而好似我咁，鐘意打廣東話既話，仲要估埋既語氣添﹗真係煩~)。
所以，到最後，都係quote多次 維根斯坦句野﹕words have meaning only in the flow of life。上面咁多野，其實佢一句已經講曬。
~Goethe~
沒有留言:
發佈留言